Алматыда алып қыз дүниеге келді

Алматыдағы №2 қалалық перзентханада алып қыз дүниеге келді. Ол - отбасындағы екінші бала. Бұл туралы қалалық денсаулық сақтау басқармасы хабарлады.

Дәрігерлер ірі баланың дүниеге келетінін күткен, дегенмен сәбидің салмағы оларды таң қалдырды.

— Біз баланың салмағы алты келіден асады деп ойлаған жоқпыз. УДЗ ұрықтың төрт келіден асатынын көрсетті, бірақ УДЗ арқылы нақты салмақты анықтау мүмкін емес. Біз есептелген салмақты - 4290 жаздық. Біз кесарь тілігінсіз босандыруға шешім қабылдадық. Табиғи босану ұсынылмайтын белгілер болады. Бұл жағдайда мұндай белгілер болған жоқ. Әрине, олар әйелдің бұған дейін босанғанын және оның бірінші сәбиінің де салмағы біршама үлкен екенін - 4050 грамм болғанын ескерді, - дейді перзентхананың неонатология бөлімінің меңгерушісі Диляра Сыртанова.

Туғаннан кейін қыз 10 күн бойы жансақтау бөлімінде дәрігерлер мен медбикелердің тәулік бойы бақылауында болған. Тағы тоғыз күннен кейін ол анасымен бірге неонаталдық бөлімшеде бақылауда болды.

Жаңа туған алып қыздың анасы 23 жаста. Оның есімі Инабат Қостанбай. Ол аурухана қызметкерлеріне алғысын білдірді.

«Мұндай жағдайлар біздің перзентханада ғана емес, қалада да өте сирек кездеседі. Қазір анасы мен жаңа туған нәресте өздерін жақсы сезінуде, олар үйлеріне шығарылды» дейді Диляра Сыртанова.