Алматыда алданба: қауіпті үйлердің тізімі жаңарды

Алматы әкімшілігі сатуға ұсынылмайтын тұрғын үй кешендерінің тізімін жаңартты, деп хабарлайды Orda.kz.

Тізімге рұқсат құжаттары жоқ үйлер, жобадан ауытқып немесе басқа да бұзушылықтармен салынған тұрғын үй кешендері енгізілді.

«Тізімге рұқсат құжаттары жоқ, құрылысы әлі басталмаған нысандардың кіргенін атап өткен жөн. Басқарма ақпараты бойынша мұндай ТК туралы мәліметтер интернет-ресурстарды мониторинг нәтижесінде анықталады» делінген әкімдіктің баспасөз хабарламасында.

Жылжымайтын мүлікті сатып алмас бұрын, ТК құжаттарының толық пакеті бар екеніне Алматы қаласының қала құрылысын бақылау басқармасының WhatsApp анықтамалық арнасы арқылы: +7 705 896 60 00 көз жеткізуге болады.