Алматыда ақпан айынан бастап су бағасы тағы қымбаттайды

 Алматыда ақпан айында су тарифі өзгермек, деп хабарлайды Orda.kz Табиғи монополияларды реттеу комитетінің департамент басшысы Әсел Буденееваның сөзін келтіріп.

«Бұрын бекітілген «Алматы су» тарифтерінің қолданылу мерзімінің аяқталуына байланысты басқарма 2025 және 2029 жылдарға арналған сумен жабдықтау және су жіберу қызметтерінің жаңа тарифтерін бекітті», - деді Әсел Буденеева брифингте.  

Оның айтуынша, жаңа тарифтер 2025 жылдың 1 ақпанынан бастап күшіне енеді.

«Егер сумен жабдықтау тарифтері туралы айтатын болсақ, біздің орташа сату тарифіміз Т135,24 болады. Су бағасы10 пайызға өседі. Тұтынушы топтары бойынша халыққа арналған тариф 91,96 теңге болады. Басқа тұтынушылар үшін Т297,7, ал бюджеттік ұйымдар үшін Т186,41», - деп қосты спикер.

Айырмашылықты жою кестесін іске асыру шеңберінде басқа тұтынушылар үшін де, бюджеттік ұйымдар үшін де қысқарту қарастырылғаны атап өтілді. Мәліметтер бойынша, басқа тұтынушылар үшін 14%, бюджеттік ұйымдар үшін 8% болады.

«Неғұрлым көп үнемдесең, соғұрлым аз төлейсің» қағидасы бойынша халыққа арналған тарифтер тұтыну көлеміне байланысты өзгереді: 

• бір адамға айына 3 текше метрге дейін – әр текше метрге Т91,96 базалық тариф;

• 3-тен 5 текше метрге дейін – әр текше метрге Т110,36;

• 5-тен 10 текше метрге дейін – текше метрге Т137,94;

• 10 текше метрден жоғары немесе есепке алу аспаптарынсыз төлем – текше метрге Т183,92.

«Тұрғын ауданы 32 шаршы метр бір бөлмелі пәтерде тұратындар үшін су 156 теңге болады. Яғни өскен баға T156-да болады. Суды жуткізу (су бұру – сарқынды суларды қабылдау, тасымалдау және тазарту бойынша мемлекеттік қызмет- ред.) үшін - T139. Орташа алғанда, бұл T300. Орташа тұрғын ауданы 48 шаршы метр екі бөлмелі пәтер үшін сумен жабдықтау - Т234 және су бұру үшін - Т208. Барлығы шамамен 450 теңге болады. Тұрғын ауданы 88 шаршы метр үш бөлмелі пәтер үшін суық су бағасы орташа есеппен Т312-ге, су жеткізгені үшін Т278, орташа есеппен Т600-ге өседі», - деп түйіндеді Буденеева.