Алматыда Африкадан заңсыз келген адамдар анықталды

Алматы полицейлері Африкадан келген, тіркелмеген және іс жүзінде Қазақстанда заңсыз тұрып жатқан адамдарды анықтады.

Полицейлер рейд барысында пәтерлердің бірінен Африка құрлығының 11 азаматын тапты. Анықталғандай, ер адамдар уақытында кетпей, Қазақстан Республикасында заңсыз тұрып келген.

Профилактикалық іс-шаралар жүргізу барысында халықтың көші-қоны саласындағы қазақстандық заңнаманы бұзғаны үшін ТМД елдерінен 10 және көршілес елдерден 137 азамат әкімшілік жауапкершілікке тартылды.

Сонымен 23 шетел азаматы мемлекеттен тыс жерлерге шығарылды. Қабылдау бөліміне құжаттары жоқ 52 шетелдік орналастырылды, деп хабарлады Алматы қалалық полиция департаменті көші-қон қызметі басқармасының бастығы Асхат Бүтіншінов.

Нәтижесінде заңсыз тұрып жатқандар сот шешімімен Қазақстаннан шығарылды. Енді олар бұл жерге жақын арада орала алмайды.