Алматыда әйелдің басын кесіп алған күдікті қылмысқа не себеп болғанын айтты

Алматыда Шолохов көшесіндегі саябақта мәйіті табылған әйелді өлтірді деген күдікті ұсталды. Бұл туралы қалалық полиция департаменті хабарлады.

«Соттың санкциясымен 1962 жылы туған И. есімді азамат тұтқындалды. Күдіктінің жәбірленушімен бірнеше күннен бері таныс болғаны, қылмыстың жанжал кезінде жасалғаны белгілі болды. Қазір Алматы қаласы ПД Тергеу басқармасымен ҚР ҚК-нің 99-бабы 2-бөлігімен тергеліп жатқан қылмыстық іс аясында сараптамалар тағайындалды» деп жазылған хабарламада.

Айта кетейік, ҚР ҚПК-нің 201-бабына сәйкес тергеу мүддесін көздейтін өзге де мәліметтер жария етуге жатпайды.