Алматыда «Ақсай» фирмалық дүкендерінде нан сатуға шектеу қойылды

Алматыда «ХБК Ақсай» ЖШС фирмалық дүкендерінде нанды сатуға шектеу қойылды. Бір қолға бес бөлкеден ғана тиеді, деп хабарлады Алматы қалалық кәсіпкерлік және инвестициялар басқармасы.

«Қазіргі уақытта «ХБК Ақсай» ЖШС фирмалық дүкендерінде шынымен де нан сатуға шектеулер бар. Бір қолға бес наннан артық тимейді. Бұл тәжірибе бұрыннан бар, ол халықты қол жетімді бағамен әлеуметтік өнімдермен қамтамасыз ету үшін қолданылады. Бөлшек сауда арналары арқылы көтерме сауда көлемі сатылып алынбауы үшін жасалады», - делінген хабарламада.

Департамент кейде дилерлер таңертең барлық өнімдерді жоғарылатылған бағамен қайта сату үшін сатып алатындығын атап өтті.

«Шектеу тек фирмалық дүкендерге қатысты екенін ескерген жөн, онда нан зауыттың сату бағасымен сатылады. Қаладағы басқа дүкендерде мұндай шектеулер жоқ», - деп қосты департамент.

«ХБК Ақсай» ЖШС-нің нан өндірісі бұрынғы деңгейде қалады, қала дүкендерін өнімдермен қамтамасыз ету көлемі азайған жоқ.

«Бұған дейін әкімдік пен «ХБК Ақсай» ЖШС арасында жасалған келісім аясында фабриканың нанды сату бағасы бір бөлке үшін 75 теңге болып белгіленді», - делінген хабарламада.