Алматыда 8 наурызда феминистер митингісі өтеді

Алматыда 8 наурызда феминистердің митингі мен маршы өтеді, оған қалалық әкімшілік рұқсат берген. Бұл туралы «Феминита» ұйымы өздерінің әлеуметтік желідегі парақшаларында жариялады.

 «Ресми түрде! Әйелдер шеруі! Бүгін Алматы әкімдігі 8 наурызда марш пен митинг өткізу туралы бастаманы қолдады. 2021 жылғы әйелдер шеруінің бастамашы ұйымдары – «Feminita» , «Казем», «Фемсреда», «SVET» ҚҚ және FemAgora», - делінген ұйымдастырушылардың хабарламасында.

Іс-шаралар жоспары мынадай:

Шевченко көшесінің бойындағы Ганди ескерткішінен Уәлиханов ескерткішіне дейінгі шеру, жиын сағат 12:00-де.

Уәлиханов ескерткіші жанында сағат 15: 00-де митинг.

«Көп ұзамай біз митингтің қажеттіліктері үшін краудфандинг ашамыз. Биыл біз мүмкіндігінше көп  қатысушылар жинап, үлкен плакаттар мен баннерлер басып шығарып, шеруді үлкен және жарқын етіп өткізгіміз келеді. Артынан мінез - құлық ережелері мен плакаттарды  қалай жасау және флешмобқа қалай қатысу туралы айтып береміз», - делінген хабарламада.