Алматыда 8 мыңнан астам адам баспаналы болады

Есеп беру кездесуінде Алматы әкімі Бақытжан Сағынтаев қолжетімді тұрғын үймен қамтамасыз ету бағдарламасын іске асыру туралы айтты, деп хабарлайды ORDA тілшісі.

2020 жылы қолжетімді баспанамен қамтамасыз ету мақсатында 2948 пәтер бөлінcе, бір мың жас отбасы «Алматы жастары» бағдарламасы бойынша жеңілдетілген несие арқылы баспаналы болды.

Қала әкімі Б. Сағынтаевтың тапсырмасымен жұмыс істейтін жас мамандар осы бағдарламаға алғаш рет қалада тіркеусіз қатыса алды.

294,4 мың шаршы метр болатын 3902 пәтер «Нұрлы жер» мемлекеттік бағдарламасы аясында пайдалануға берілді.

«Биыл мемлекеттік және қалалық бағдарламалар аясында 8292 пәтер бөлінеді. Оның ішінде халықтың әлеуметтік осал топтарының өкілдеріне – 427 пәтер, көпбалалы отбасыларға – 452, жұмысшы жастарға - 1050.Сондай - ақ, «Шаңырақ» бағдарламасы бойынша 3578 пәтер, «Несиелік баспана» бойынша - 1411, «Бақытты отбасы» бағдарламасы бойынша - 374 пәтер бөлінеді. «Алматы жастары» бағдарламасы жалғасады, ол арқылы 1 мың жас алматылық тұрғын үй ала алады», - деді Бақытжан Сағынтаев.