Алматыда 70 жастағы науқасқа жаңа күрделі әдіспен ота жасалды

Үш тамырлы ишемиялық ауруға шалдыққан алматылық тұрғынның өмірін жаңа емдеу әдісі аман алып қалды.

Алматы қалалық кардиология орталығында 70 жастағы үш тамырдың ишемиялық ауруымен ауыратын науқасқа күрделі ота жасалды.

«Науқас бізге ауыр жағдайда түсті. Коронография кезінде жүрек бұлшықетін қанмен қамтамасыз ететін үш жүрек тамырының бітелуін көрдік. Екі тамыр толығымен жабылған, үшінші тамыр ауыр жағдайда, 95% бітеліп қалды. Шұғыл ота жасау қажет болды. Науқастың жүрек талмасына ұшырау қаупі бар болғандықтан, ота жасау үшін әдетте коронарлық шунттау операциясы ұсынылады», - дейді қалалық кардиология орталыңының интервенциялық кардиологы Айжан Құланбаева.

Алматылық дәрігерлер Мәскеуден шақырылған маман – медицина ғылымдарының докторы, профессор Александр Осиевпен ота жасау жолын талқылады.

Операция ауыртпалықсыз және кесусіз, қолды пункция арқылы, тек анестезиямен жасалды.

Қан тамырларының өткізгіштігін қалпына келтіру үшін науқасқа төрт стент орнатылды. Бұл әдістің ерекшелігі пациент үшін тәуекелді барынша азайта отырып, арнайы созылмалы окклюзиялар үшін күрделі араласуға мүмкіндік береді.

Отаның нәтижесі таң қалдырды – науқас бірден өзін жақсы сезініп, тыныс алуы жеңілдеп, денсаулығы жақсарды.

«Мен бұрын 20-25 метр жүргенде тынысым тарылып қалатын.Мен жай ғана қиын тыныс алған жоқпын, өзімді біреу тұншықтырып жатқандай сезіндім .Мен ауруханаға бардым, олар төрт стент қойды. Қазір өзімді қайта туылғандай сезінетінмін. Бәрі мені құтқарған дәрігерлердің арқасында», - дейді науқас.