Алматыда 7 жастағы баланың қазасынан кейін тұрғындар ереуілге шықты

Алматы облысындағы «Асыл Арман» тұрғын үй кешенінің тұрғындары ереуілге шықты, деп хабарлайды Orda.kz. 

Еске салайық, кеше, 27 қараша күні «Асыл Арман» тұрғын үй кешенінде мектеп автобусы 7 жасар баланы басып кеткен еді. Бүлдіршін оқиға орнында мерт болды. Қайғылы жағдайдан кейін тұрғындар ереуілге шықты. Олардың айтуынша, 10 жылдан бері биліктен мектеп салып беруін сұрап жүрген, бірақ ешкімнің міз бақпаған. 

Оқиға орнына әкімдіктегілер де келген. Тұрғын үй кешеніндегілер оларға шабуыл жасаған. Тұрғындар әкімнің келуін, жағдайды өз көзімен көруін сұрады. 

Енді тұрғындар биліктен мектеп салып беруді әрі балалардың қауіпсіздігі үшін жағдай жасауды талап етіп отыр.