Алматыда 56 жасар әйелдің мәйіті табылды

Алматы облысында қараусыз қалған зауыттың жанынан әйелдің мәйіті табылды деп хабарлайды, Orda.kz.  

Полиция департаментінің хабарлауынша, қазіргі уақытта, тергеу жұмыстары басталды. Алғашында бұл ақпарат әлеуметтік желілерде тараған болатын. Қайтыс боларының алдында әйел такси қызметін пайдаланғаны белгілі болды. Содан кейін оның денесі таңертең қараусыз қалған кірпіш зауытының жанынан табылды. 

Алматы облысының полиция департаменті 56 жастағы әйелдің денесінің табылғанын растады. Аудандық полиция басқармасында қылмыстық іс қозғалды.

«Қазіргі уақытта болған оқиғаның объективті мән-жайын анықтау үшін барлық қажетті тергеу шаралары жүргізілуде. Алдын ала мәліметтер бойынша, зорлық-зомбылық белгілері анықталмаған»,  деп хабарлады полиция.