Алматыда 45 мың жануарға чип салынады

Алматыда 45 мың жануарға чип салынады. Қалалық кәсіпкерлік және инвестициялар басқармасының ветеринарлық бөлімінің басшысы Әйгерім Жақсылық ӨКҚ брифингінде осындай мәлімдеме жасады.

Бұл туралы Orda.kz хабарлайды.

– Жануарларға чип салу жыл сайын иттер мен күшіктерге құтыруға қарсы вакцина салдырумен қатар жүргізіледі. Сондай-ақ, асылдандырумен айналысатын барлық ұйым жануарларды чиптеуге міндетті, - деді ол брифингте.

Әйгерім Жақсылық жануарларға чип салу тегін жүргізілетінін де айтты. Сонымен қатар, иттер мен мысықтарды зарарсыздандыру және кастрациялау жалғасады. 2024 жылға қарай Алматыда 28000 жануар осы процедурадан өтеді.