Алматыда 44 жастағы әйел 11 сәтсіз жүктіліктен кейін босанды

Алматыда 44 жастағы әйел 11 сәтсіз жүктіліктен кейін босанды, деп хабарлайды Orda.kz.

Алматының №2 қалалық перинаталдық орталығына жүктіліктің 15-ші аптасында түсік тастау қаупі бар әйел жеткізілді. Бұған дейін 44 жастағы әйелдің 11 баласы өмірге келмей жатырда шетінеп кеткен. Мамандардың мәліметінше, соңғы жүктіліктің бесінші айында бала дамуы қатып қалды. Бұл әйелдің ана болуға деген ең соңғы мүмкіндігі еді

 Мамандардың арқасында әйел жүктіліктің 34-ші аптасында босанды. 

«34-ші аптада босандырдық, көптен күткен 2700 грамм бала дүниеге келді. Қазір біз ананы баламен бірге үйіне шығардық, оларда бәрі жақсы»,  деп атап өтті перинаталдық орталықтың басшысы Светлана Рахымова.