Алматыда 362 сергек орнатылады

Жол апаты салдарынан зардап шеккендер саны 35,0%–ға, қаза тапқандар 48,6%–ға, жарақат алғандар 36,4%–ға азайған. 10 айдың қорытындысы бойынша жол-көлік апаты 27,8%–ға төмендегенін Алматы полиция департаментінің басшысы Қанат Таймерденов мәлімдеді.

«Біз қалалык әкімдікпен бірлесе отырып, жол көлік оқиғаларының алдын-алу мақсатында Алматы қаласы аумағында жол жүру және жол қауіпсіздігі мәселелері бойынша 2021-2023 жылдарға арналған кешенді жоспарды әзірлеп, бекіттік. Аталған жоспардың жүзеге асуы көлік ағымының өтімділігін 25-30% арттырса, жол көлік оқиғаларының санын 15-20% азайтып, экологиялық жағдайдың 10% жақсаруына септігін тигізеді»,- дейді департамент басшысы.

Айта кетейік, осыған дейін Алматыда 2050 бейнекамера орнатылған. Алдағы уақытта жылдың соңына дейін тағы да 362 камера орнату жоспарланып отыр.