Алматыда 3 науқас психиатриялық ауруханадан қашып кетті

Алматыда психикалық ауытқуы бар үш қазақстандық іздестіріліп жатыр. Олар Алматының психиатриялық ауруханасынан қашып кеткен, деп хабарлайды Orda.kz. 

Олардың екеуі психологиялық денсаулық орталығынан қашса, үшіншісі полиция бөлімінде із суытқан. Еріктілер іздеудегі адамдардың суретін жариялап, олар туралы қандай да бір мәлімет білетін адамдар болса, хабарласуын сұрайды. 

Денис Антипиннің бойы — 180 см, шашы қара ақшыл, көздері қоңыр, сол көзінің жанында мең бар. Ал Павел Лавровтың бойы —  157 см, орташа дене бітімді, шашы қара, көздері қоңыр, білегінде тыртықтар бар. Елисей Балакиннің бойы — 176 см. Ол арық дене бітімді, қысқа қара шашты, көздері қоңыр.

Денис Антипин мен Павел Лавров маусым айының басынан бері іздестіріліп жатыр. Ал Елисей Балакин 25 мамыр күні жоғалған.

Айта кетейік, сәуір айында Қаскелеңде бала зорлады деп айыпталған ер адам сот ғимаратынан қашып кетіп, ұсталған еді.