«Алматыда 290 млн алған алаяқ әйел сотталды»

Алматы қаласының Наурызбай ауданының прокуратурасы үлескерлердің қаражатын заңсыз иемденген  әйелді ұстады.

Бұл туралы Алматы қаласының прокуратурасы хабарлады.

2022 жылы «Flora City Stroy» ЖШС директоры азаматша К. instagram және krisha.kz платформаларында құрылысқа рұқсаты болмаған «Lantana» және «Flora» тұрғын үй кешендерінің құрылысы басталғаны туралы жарнама жариялады. Солай азаматша К. жұртты алдап 34 үлескердің 290 миллион теңге көлеміндегі қаражатын иемденді.

Істің материалдары Бостандық ауданының Полиция басқармасына жіберіліп, тергеу жүргізу ісі басталды.

2024 жылғы 21 маусымда Бостандық аудандық сотының үкімімен азаматша К. ҚР ҚК 190-бабының 4-бөлігінің 2-тармағы (аса ірі мөлшердегі алаяқтық) бойынша кінәлі деп танылып, 6 жыл 8 ай мерзімге бас бостандығынан айырылды.

Үкім заңды күшіне енген жоқ.