Алматыда 28 жастағы жігітті қар көшкіні басып қалды

Алматыда Шымбұлақ тау-шаңғы курорты аумағында 28 жастағы жігітті қар көшкіні басып қалды, деп хабарлайды Orda.kz. 

Кеше, 22 ақпанда 112 пультіне «Сухой Логтың» трассадан тыс аумағында қар көшкіні жүріп, 1998 жылғы ер адамды қар басып қалғаны туралы хабарлама келіп түскен.

Оқиға орнына дереу Алматы қаласы ТЖД 23-әмбебап құтқару бөлімшесінің қызметкерлері мен Шымбұлақ курортының құтқарушылары жіберілген.

Көп ұзамай ер адам қар астынан табылды.

Оған алғашқы көмек көрсетіліп, одан әрі тексеру үшін «Шымбұлақ» медициналық пунктіне жеткізілген.

Оқи отырыңыз:

• Алматы әлемдегі ең лас 10 қаланың қатарына қосылды
• «Рұқсатсыз дәретханаға кеткен»: Алматы облысында мұғалім оқушысын сотқа берді