Алматыда 18 жастағы жігіт көпқабатты үйден құлап кетті

Алматыда 18 жастағы жігіт Әуезов ауданындағы көпқабатты үйдің төбесінен құлап кетті, деп хабарлайды Orda.kz.

Бұл оқиға соңғы бірнеше аптадағы жасөспірімдердің осындай қауіпті қадамға баруының кезекті дерегі болып отыр. Полиция қылмыстық іс қозғады, бірақ бұл суицид пе, жоқ па – әлі белгісіз.

«Әуезов аудандық полиция басқармасы қылмыстық іс қозғады. Себептері мен толық жағдай анықталып жатыр», деп мәлімдеді Алматы қалалық полиция департаменті.

Еске сала кетсек, осыған дейін қалада төрт оқушы қыз дәл осындай жағдайда қаза тапқан болатын. Жасөспірімдерді мұндай қадамға не итермелейтіні жайлы материалымыздан оқыңыздар.