Алматыда 16 сейсмикалық станцияның 11-не 527 миллион теңгеге құрал-жабдық сатып алынған

Президент Сейсмологиялық бақылау және зерттеу ұлттық ғылыми орталығының директоры Дәулет Сәрсенбаевты қабылдады, деп хабарлайды Orda.kz порталы.

Дәулет Сәрсенбаев ғылыми орталықтың қазіргі атқарып жатқан жұмыстары жөнінде ақпарат берді.

• былтыр қала аумағында орналасқан 16 сейсмикалық станцияның 11-не 527 миллион теңгеге құрал-жабдық сатып алынған;
• 2021-2023 жылдарға арналған мақсатты қаржыландыру бағдарламасы нәтижесінде 25 бақылау пункті ашылды;
• халықаралық ынтымақтастық аясында 10 жаңа станция ішінара жаңғыртылып, 6 жаңа станция пайдалануға берілді;

Президент жер сілкінісі жайлы алдын-ала ескертетін озық технологияның маңыздылығын айтты.

Қасым-Жомарт Тоқаев ғылыми орталыққа жер сілкіністерін болжаудың ғылыми әдістерін қолдану және енгізу жөнінде маңызды міндет жүктелетінін айтты.

Мемлекет басшысы орталық  жұмысында ғылыми зерттеулерді дамыту және инновациялық технологияларды енгізу қажет екенін атап өтті.