Алматыда 14 жасар қызды зорлады деген күдікпен екі полиция капитаны қамауға алынды

Алматыда бұрынғы екі полиция капитаны 14 жасар қызды зорлағаны үшін қамауға алынды.

Бұл туралы Ішкі істер министрі Ержан Сәденов мәлімдеді.

«Өкінішке орай, бұл факт орын алды. Бұрынғы қызметкерлер бүгінде бұл қылмысқа барған. Дереу тәртіптік комиссия құрылып, бұл адамдар келеңсіз себептермен жұмыстан босатылды. Қылмыстық іс аясында олар да қамауға алынды. Қазір тексеру жүріп жатыр», — деді Ержан Сәденов.

Министр қылмыс жасаған кезде олардың құқық қорғау органдарының қатарында болғанын растады.