Алматыда 14 жасар қызды зорлады деген күдікпен әнші ұсталды

Алматы облысындағы қонақ үйлердің бірінде 14 жасар қызды зорлады деген күдікпен әнші ұсталды, деп хабарлайды Orda.kz.

6 мамырға қараған түні Өтеген батыр ауылында орналасқан қонақ үйде шамамен сағат 03:00-де рейд кезінде 2011 жылы туған мектеп оқушысы мен оқушылар сарайында домбыра үйірмесінде сабақ беретін ұстаз ұсталды.

Алматы облысының білім бөлімінің хабарлауынша, қыздың анасы Іле ауданының полициясына жүгініп, кәмелетке толмаған қызын қонақ үйде Д. атты азамат зорлағанын хабарлаған. Тексеру барысында 1992 жылы туған Д. деген азаматтың №9 бөлмеде қылмыс жасағаны анықталды.

Orda.kz дереккөзінің хабарлауынша, 14 жасар қыз Алматыдағы мектептен Іле ауданындағы білім ордасына ауысқан. Ал күдікті 1992 жылы дүниеге келген Құрманғазы атындағы ұлттық консерваторияны бітірген кәсіби домбырашы, №6 оқушылар сарайында домбыра үйірмесінің ұстазы.

«2025 жылғы 5 мамырдан 6 мамырға қараған түні сағат 03:00 шамасында Алматы облысы, Өтеген батыр ауылындағы «У Розы» қонақ үйінде рейд өткізу барысында 2011 жылы туған Р. атты №67 мектептің оқушысы мен 1992 жылы туған Д. есімді мұғалім ұсталды. Бұл деректер негізінде Іле ауданының полиция басқармасы Қылмыстық кодекс бойынша іс қозғады», — деп мәлімдеді Іле ауданының полиция басқармасы.

Алдын ала ұйымдастырылған қойылым

Orda.kz тілшісі оқиға болған жерге барып қайтты. Оқиға Іле ауданы Өтеген батыр ауылындағы «У Розы» 
 қонақ үйінде болған. Қонақ үйіндің басшысы бұл оқиғаны алдын ала ұйымдастырылғандығын айтты.

«Біздің қонақ үйдің есігі көше жаққа қарап тұрады. Қыз есік алдында тұрды. Ал жігіт ішке кіріп номерді рәсімдеп ішіне кіріп көрді. Жігіт қайта далаға шығып темекісін тартып, қызбен сөйлесіп тұрды. Жігіт қайта ішке кіріп кеткен соң артынан қыз ішке кірді, артынша полиция қызметкерлері жетіп келді. Сөздің ашығы олар тіпті шешініп те үлгерген жоқ. Ол жерде ешқандай зорлық зомбылық болған жоқ. Қыз өз еркімен келді. Осының барлығы бар жоғы үш минуттың ішінде болды», — деді Роза.  

Розаның айтуынша 100 пайыз қойылым. Олар бөлмеге кіріп үлгермеген. Қонақ үйдің қызметкері қыздың кәмелет жасқа толмағанын байқамаған. 

«Полиция қызметкерлері біздің ауданның қызметкерлері емес. Олар алдын ала білген. Себебі қазір полиция шақырсаң әрең келеді. Бұлар Алмалы аудандық полиция қызметкерлері, сонау қаладан қалайша екі минуттың ішінде келе қалды? Бұл балаға жала жабылып отыр. Егер біз қыздың зорлықпен келгенін көрсек тез арада керекті шараны қолданар едік. Біз тек нөмірді алған адамның құжатын тексереміз. Ал нөмірді ер адам рәсімдеді», — деді қонақ үй басшысы. 

Қонақ үй басшының айтуынша мұндай жерлерге бәрі өз еркілерімен келеді. Зорлайтын ниеті болса да тіпті қонақ үйге әкелмейді. Себебі қонақ үйдің барлық жерінде камера мен күзетшілер болады.