Алматыда №123 автобус екі жеңіл көлікпен соқтығысып, бес адам ауруханаға түсті

Оқиға Алматыдағы  Сейфуллин және Төреқұлов  көшелерінің қиылысындағы MEGA Park сауда, ойын-сауық орталығының жанында болды. Жол апаты салдарынан бес адам жедел-жәрдем көмегі арқылы ауруханаға жатқызылды.

Оның  екеуі  сол маңда автобус қаққан жаяу жүргінші. Қалғандары автобус жүргізушісі мен автобус соққан  көліктің жүргізушісі және автобус  жолаушысы. Дәрігерлер жол оқиғасына тап болғандардың жағдайы орташа  ауырлық деңгейде екенін айтты. 

Алдын ала болжамдар бойынша автобус жүргізушісінің жағдайы нашарлап, көлік тізгініне ие бола алмай қалған. Алматыэлектротранс өкілдері жүргізуші жұмысқа демалыстан кейін шыққанын, ауысым алдында медициналық тексерістен өткенін хабарлады. Таңертеңгі тексерісте оның ішімдік ішпегені анықталған. 

Дегенмен жүргізуші жаяу жүргіншілерді қағып кетіп, көлік тұрағының бетон қабырғасына соғылып барып тоқтаған. Автобус жүргізушісі алдымен Hyundai Accent көлігіне соғылған, тоқтамаған күйі тротуарға шығып кетіп, бағдаршам жанында тұрған екі жүргіншіні қағып кеткен.  Әрі қарай көлік тұрағына кіріп,  Mega park сауда-ойын кешенінің қабырғасына соғылып, көлік тұрағынан шығып келе жатқан Volkswagen Polo көлігіне соғылған.

Белгілісі біраз адам зардап шегіп, ауруханаға түскен бір жаяу жүргіншінің халі ауыр.