Алматыда №1 перзентхана жабылды

Алматы қалалық №1 перзентханасы қазіргі санитарлық-эпидемиологиялық талаптарға сәйкес келмегендіктен жабылды. Мекемеде жұмыс істейтін 100-ге жуық акушерлер мен медбикелер жұмыссыз қаламыз деп алаңдауда, деп хабарлайды ORDA КТК- ға сілтеме жасап.

«Бізге аурухана жабылып жатыр деп ауызша айтылды. Басшылық тарапынан ешқандай түсініктеме болған жоқ. Неге оны жапты, біз қайда барамыз? Біз науқастардан бас тартпаймыз. Бізге жұмыс тауып бере ме, айтсын», - дейді акушер Гаухар Аманбекова.

Он жылдық тәжрибесі бар акушер Роза Оразбаева да басшылықтан жұмыс табуға көмек сұрайды.

«Бізге ескерту болған жоқ. Қазір қай жерден жұмыс таба аламыз? Алматы қаласының барлық жақын ауруханалары жұмыс күшімен толық қамтылған. Олар бізді керек етпейді. Бізге енді жұмыс тауып берсін», - деді ол.

Алматы қаласының №1 қалалық клиникалық ауруханасының менеджері Эрнст Қалиев аурухананың қажетті санитарлық нормаларға сәйкес келмейтіндігін және енді босанатын әйелдерді қабылдамайтынын айтты.

«Біз қаржыландыруды аударып жатырмыз. Қызметкерлерді Алматы қаласының басқа перзентхана бөлімшелеріне жібереміз. Перзентхана жұмыс істейді, бірақ тек жоспарлы түрде», - деп түсіндірді ол.

Алматы қаласының №1 қалалық клиникалық ауруханасының менеджері Эрнст Қалиев аурухананың қажетті санитарлық нормаларға сәйкес келмейтіндігін және енді босанатын әйелдерді қабылдамайтынын айтты.