Алматыда 1 маусымға дейін Mass Alert сейсмикалық ескерту жүйесі енгізіледі

Бұл туралы мегаполис әкімі Ерболат Досаев Премьер-Министрдің орынбасары Қанат Бозымбаевпен кездесуінде айтты, деп хабарлайды Orda.kz.

Бозымбаев Алматыда өткізген кеңесте төтенше жағдайларды алдын ала хабарлау жүйесін енгізу тақырыбының бірі болды. Mass Alert әлі де пилоттық режимде болса да, 1 маусымға дейін енгізілмекші.

«Халықты хабардар ету желіге қосымша жүктеме тудырмайтын және базалық станса антенналарының қамту аймағындағы барлық абоненттерді дереу және жаппай хабардар етуге мүмкіндік беретін Cell Broadcast технологиясы арқылы жүзеге асырылады», - деді Ерболат Досаев жаңа жүйе туралы.

Сонымен қатар, Индустрия және құрылыс министрі Қанат Шарлапаев атап өткендей, қазіргі уақытта сейсмикалық қауіпті аймақтағы нысандар құрылысына қатысты жаңа талаптармен заңнамаға түзетулер әзірленді. Әңгіме сейсмикалық деңгейі жетіден тоғыз баллға дейінгі учаскелерде тұрғын үйлер мен әлеуметтік нысандар салу үшін міндетті сейсмикалық оқшаулау жүйесін енгізу туралы болып отыр.

Естеріңізге сала кетейік, биыл Алматыда 23 қаңтар мен 4 наурызда қатты сезілген екі жер сілкінісі болды.  Екі жағдайда да қала тұрғындары жер асты дүмпулері туралы дер кезінде хабарланбағанын айтып шағымданған болатын.