Алматы ЖЭО-2 қайта жабдықтау жобасы мамырға шегерілді

Алматы ЖЭО-2-ні газға ауыстыру жобасы белгілі бір себептермен сараптамадан өте алмады. Оның құны 30 млрд теңгеге өсті.

Бұл туралы Orda.kz inAlmaty.kz-ке сілтеме жасап хабарлады.

Алматы электр станцияларын дамыту және трансформациялау жөніндегі басқарушы директор Серік Қалиев ЖЭО-2 модернизациялау жобасын бекіту мамыр айына қалдырылғанын айтты.

– Шығарындыларды азайту бойынша жол картасындағы шаралардың бірі - ЖЭО-2 қайта жабдықтау. 5 сәуірде жобаның техникалық-экономикалық негіздемесінің (ТЭН) мемлекеттік сараптамасына теріс қорытынды алынды. Қазіргі уақытта біз және KazNIPIEnergoprom жобалау ұйымы осы ескертулерді жою бойынша жұмыс істеп жатырмыз. Келесі аптаның аяғында біз бұл ескертулерді түзетіп, тағы да мемлекеттік сараптамаға барамыз. Оның аяқталуының оптимистік мерзімі - мамыр айының соңы деп ойлаймын, - деді ол халық алдындағы есеп беру кездесуі кезінде.

Алматы ЖЭО-2-ні газбен жұмыс істеуге ауыстыру үшін сыртқы газ құбырын салу бойынша жол картасы да жасалуда. «Самұрық-Қазына» қоры 3-ЖЭО-ны газға ауыстырудың техникалық-экономикалық негіздемесін әзірлеуге тендер жариялау рәсімдерін аяқтауда.

Соңғы мәліметтер бойынша, ЖЭО-2-ні газға көшіру жобасының құны 98 млрд-тан 131 млрд теңгеге дейін өсті.

– Бұл жабдықтың құрамын нақтылауға және басқа шараларға байланысты. Жобаның қаржылық-экономикалық бөлігі әлі де пысықталатын болады, - деп түсіндірді Алматы электр станциялары басқарушы директоры.

Еске салсақ, үкімет ЖЭО-2-ні газға көшірудің төрт нұсқасының бірін өткен жылдың қазан айында қабылдаған. 2021 жылы 27 наурызда Тоқаев Алматының дамуына қатысты сөйлеген сөзінде ЖЭО-2-ні газға көшіру жобасын арзандату және кейінге қалдыруға жол берілмейтіндігін мәлімдеді.