«Алматы жастары» жеңілдікпен ипотекаға құжат қабылдай бастады
«Алматы жастары» бағдарламасы бойынша жеңілдікпен ипотека алу үшін құжаттарды қабылдау басталды. 10 наурыздағы түнгі сағат 12.30-дейін 1229 өтінім келіп түскен.
Тұрғын үй бағдарламасына қатысуға өтінімді «Алматы жастары» сайтында беруге болады. Ол үшін ЭСҚ болу міндетті.
Құжатт қабылдау 31 наурызда аяқталады. Алматы қаласы әкімдігі мен «Отбасы банкі» Алматы қаласының 1000 тұрғынына ғана жеңілдікпен несие бере алады.
Алматы қаласы Тұрғын үй саясаты басқармасы берілген құжаттардың дұрыстығын тексереді және жиналған ұпай бойынша қатысушыларды іріктейді. Ұпай саны некеге тұрған жылдарына, балалар санына, санаттағы үздіксіз жұмыс тәжірибесінің кезеңіне байланысты болады.
Мысалы, сіз мектепте немесе театрда еден жуушы болып жұмыс істесеңіз, үйленгеніңізге 10 жыл болса және бес балаңыз болса, 10 жылдық жұмыс өтіліңіз болса, шамамен 49 ұпай аласыз. Ал 3 жыл жұмыс істеген, екі жыл отбасылы, бір баласы бар мұғалім немесе әртіс бар болғаны 11 ұпай алады. Нәтижесінде, тазалықшы әйел жеңілдікті ипотекалық несие алады.
Тұрғын үй саясаты бөлімінен жолдама алғаннан кейін, 15 жұмыс күні ішінде қатысушы «Отбасы» банкінде төлем қабілеттілігін растауы керек және 45 күнтізбелік күн ішінде пәтер тауып, сатып алынатын үйді бағалап, банкке қайта хабарласуы керек. Қатысушыға сату-сатып алу шартын жасасу және банкте несие рәсімдеу үшін тағы 10 жұмыс күні беріледі.
Пәтерді алғашқы және қайталама нарықтардан, сондай-ақ «Қазақстанның тұрғын үй компаниясы» АҚ кепілдігімен сатып алуға болады.
Бағдарлама шарттары:
Несиенің шекті сомасы - 18 миллион теңгеге дейін;
Сыйақы мөлшерлемесі - 5% (ГЭС 5,2%);
Бастапқы жарна - 10%;
Бастапқы және қайталама тұрғын үйді алу мүмкіндігі;
Шекті мерзімі 25 жылға дейін.
Мысалы, құны 10 миллион теңге тұратын пәтер сатып алғанда, несие төлемі тұрғын үй құрылыс жинақ жүйесінің өзіндік ерекшеліктерін ескере отырып, алғашқы 8 жылда 83 333 теңге болады, ал қалған 11 жылда ол төмендеп, соңында 46000 теңге болады.
Бағдарламаға қатысуға қойылатын талаптар:
35 жасқа дейін (қоса алғанда);
Соңғы 5 жылдағы жылжымайтын мүліктің жоқтығы;
Келесі санаттар бойынша міндетті зейнетақы жарналары бар, кем дегенде, соңғы алты айда тұрақты жұмысының болуы: медициналық қызметкерлер, педагогикалық қызметкерлер, жазушылар мен мәдениет қызметкерлері, университеттер мен ғылыми-зерттеу институттары ғылыми қызметкерлері, журналистер, әлеуметтік қызметкерлер, құқық қорғау органдары қызметкерлері.
Бағдарламаға осы салаларда кез-келген лауазымдарды атқаратын адамдар қатыса алады.
Жаңалықтар
- Банкроттыққа жүгінетін борышкерлер
- 2025 жылдан бастап кіріс туралы декларацияны жариялау міндетті болады
- Жалақының ЖІӨ-дегі үлесі талап етілетін 50 пайыздың небәрі 30 пайызын құрайды- Әшімбаев
- «Алатау» әлемдегі ең экологиялық таза және озық қала болады
- Музейлер түні 2024: Алматы мен Астананың толық бағдарламасы
- Бішкекте шетелдіктермен төбелес болып, мыңдаған адам көшеге шықты
- Құлсарыда су тасқынынан зардап шеккен тұрғындар үшін 150 үйдің құрылысы басталады
- Бектенов Тоқаевқа су тасқыны зардаптарын жою туралы баяндады
- Жыл басынан бері мемлекет пайдаланылмай жатқан 645 мың гектар жерді қайтарды
- Өнеркәсіп министрі депутаттармен және белсенділермен қайта өңдеу төлемі мәселесін талқылады
- Тоқаев «Халықтың көші-қоны және қылмыстық-атқару жүйесі туралы» заңға қол қойды
- Атырау облысы Мақат ауданының әкімі Ринат Ибрагимов мәлімдеме жасады
- Қазақстанда теократиялық жүйе орнатқысы келген 8 адам сотталды
- Қазақ тілін және ел тарихын білмейтіндер Қазақстан азаматтығынан шығарылады
- «Медеу» табиғи саябағындағы 35 гектар болатын 10 жер телімі мемлекетке қайтарылды
- «ҚазАвтоЖол» жол бойындағы сервисті дамытуға шақырады
- «Қазақфильм» жобалары мемлекет қаражатының 95 пайызын өтемейді
- Маңғыстау облысының жаңа әкімі таныстырылды
- Құлсарылықтарға Қаржы министрлігі көмектесе ме?
- 350 мың доллар пара беруге итермелеп, он жылға бас бостандығынан айырылды