Алматы қызыл аймақта: мектеп оқушылары үйде қалсын

Алматыда мектеп оқушыларының ата-аналарына мүмкіндігінше балаларын үйде қалдыру сұралды, деп хабарлады ORDA қала әкімдігінің баспасөз қызметіне сілтеме жасап.

  — Құрметті ата-аналар! Алматы қаласының «қызыл» аймаққа өтуіне байланысты және соңғы үш күнде тіркелген коронавирустық инфекциялар санының көбеюіне байланысты, Алматы қаласының әкімдігі балаларды мүмкіндігінше үйде қалдыруды сұрайды.

Сонымен қатар, мұндай мүмкіндігі жоқ ата-аналар үшін мектепте жоғары санитарлық-эпидемиологиялық талаптарға сәйкес аралас оқыту жалғасатындығы туралы хабарлаймыз. Барлық мектептер дезинфекциялық құралдармен 100% қамтамасыз етілген, деп хабарлады әкімдіктегілер.