Алматыда урбанистика басқармасының басшысы ұсталды

Антикор Алматы қалалық жоспарлау және урбанистика басқармасының басшысын ұстады.

Бұл туралы Сыбайлас жемқорлыққа қарсы қызмет хабарлады.

Сыбайлас жемқорлыққа қарсы қызмет жемқорлық тәуекелдерін сыртқы талдау нәтижелері бойынша Алматы қаласының жер қатынастары саласындағы жүйелі жемқорлық фактілері бойынша қылмыстық істерді тіркеп, тергеуде.

Қалалық жоспарлау және урбанистика басқармасының басшысы жер учаскелерін беру және нысандар құрылысын келісу кезінде лауазымдық өкілеттіктерін асыра пайдаланды деп күдіктелуде.

Мәселен, ол жеке тұрғын үй құрылысына арналған жер учаскелерінде, нысаналы мақсатына қарамастан және құрылыстың тығыздығын ескермей, жекелеген құрылыс компанияларының мүддесі үшін 2020-2023 жылдары 3 көппәтерлі тұрғын үй кешені құрылысын заңсыз келіскен.

Нәтижесінде мемлекетке жер учаскелерінің төленбеген кадастрлық құны түрінде 307 млн астам залал келтірілді.

Бұдан басқа, 2020 жылы медициналық орталық пен ХҚКО-ның құрылысын заңсыз келісе отырып (инвестициялық жобаларды іске асыру түрімен), мүдделі тұлғалардың жеке меншігіне жер учаскелерін төмен бағамен, әрі негізсіз беруге ықпал еткен. Келтірілген шығын 180 млн теңге болды.

Сот санкциясымен күдікті қамауға алынды.

Сотқа дейінгі тергеп-тексеру жалғасуда, басқа лауазымды адамдардың қатыстылығы да тексерілуде.