Алматы тұрғыны Меладзенің концертіне жалған билеттер сатқан

Алматыда Валерий Меладзенің концертіне жалған билеттер сатқан күдікті анықталды. Ол 50 Cent пен Akon-нің концерттері кезінде де осындай алаяқтық жасаған.

Алаяқтың құрығына түскен адамдар – Валерий Меладзенің шығармашылығын сүйіп тыңдайтындар. Кейбір азаматтар оның концертіне билеттерді хабарландыру сайтынан сатып алуды ұйғарған. Осылайша, олар 29 жастағы А.есімді азаматтың айласына түсіп қалды. 

"Шындығында, күдіктіде ешқандай билет болған болмаған. Оның тізбегі мынадай болды: ол билеттер бар екені туралы хабарландыруларды орналастырып, билеттер үшін толық төлем алып, содан кейін телефонын өшіріп, байланысқа шықпаған. А.есімді азамат концерттен кейін де бірнеше билет сатқан. Ол ұсталды және 50 Cent, Akon әртістерінің жақында болған гастрольдік сапарларында осындай алаяқтық жасағанын мойындады. Сотқа дейінгі тергеу жалғасып жатыр", - деді Алматы полиция департаментінің киберпол басшысы Игорь Пудовкин.