Алматы тұрғыны демалысын шетелде өткізгісі келгендерді сан соқтырды

Алматыда 26 жастағы азамат жалған туристік агенттік құрған, деп хабарлайды Orda.kz. 

ІІМ-нің мәліметінше, шаһардың кем дегенде 20 тұрғыны ақшасын далаға шашты. Олар туристік агенттікке сеніп, тур ақысын алдын ала төлеп қойған. Алданып қалғандарын кейін білген.

 Алданған азаматтар полицияға жүгінді. Алмалы аудандық полиция басқармасының қызметкерлері туристік фирманың 26 жастағы директорын ұстады. Алдаудың барлық эпизодтары бір іске біріктірілген. Бірнеше рет алаяқтық жасағаны бойынша сотқа дейінгі тергеу жүргізілуде.