Алматы тұрғыны әкімнен «Көкмайыс» шағын ауданына орысша атауын қайтаруды сұрады

Алматы әкімі Ерболат Досаевпен халықпен кездесуі барысында жиналғандардың бірі «Көкмайыс» ықшамауданының бұрынғы атауы – Дорожникті қайтаруды сұрап, әкімге жүгінді.

Бұл туралы Orda.kz хабарлайды.

«Өтінемін, Дорожникті қайтарыңыз! Көкмайыс емес, Гончаров атындағы Дорожоник», – дейді зейнеткер.

Кейбір тұрғындар бұл ұсынысты қошеметпен қарсы алды. Алайда әкім бұл идеяны қолдамады.

«Біреудің Кеңес Одағына сағынышпен қарайтынын қол соғудан түсіндім, ақсақал айтқан бұл ұсыныс маған ұнайды. Бірақ мен мұнымен келіспеймін», - деп жауап берді Досаев.