Алматы тауларындағы сел ұстайтын бөгет құрылысы 2023 жылы аяқталады

ҚР Төтенше жағдайлар министрлігі Алматыдағы Ақсай және Аюсай шатқалдарындағы сел ұстайтын бөгеттердің құрылысы туралы айтты.

Бұл өзендердің жоғарғы ағысында 116 сел қаупі бар аумақтар, 114 мұздықтар, 35 мұздық көлдер, оның 9-ы жарылуға бейім.

Қаладағы Үлкен Алматы өзенінің жоғарғы ағысындағы, Аюсай өзенінің сағасынан төмен, Алматы қаласы Бостандық ауданындағы бөгеттің биіктігі 41 м-ден астам, сел қоймасының көлемі 2,3 млн текше метрді құрайды.

Наурызбай ауданында Ақсай өзені алабындағы селді ұстап тұратын бөгеттің құрылыс-монтаждау жұмыстары жүргізілуде.

Ақсай өзенінің бассейні де Үлкен Алматы сияқты сел қаупінің бірінші санатына жатады. Бөгеттің биіктігі 75 метр, сел қоймасының көлемі 7 миллион текше метр.

Сел ұстағыш бөгеттердің құрылысын аяқтау мерзімі 2023 жылға жоспарланған.

Үлкен Алматы және Ақсай өзендерінің бассейндері сел үшін аса қауіпті, олардың ықтимал серпілістерімен сел әсер ету аймағында бірнеше мың нысандар, 40 мыңға жуық адам, оның ішінде демалушылар да болады деп көрсетілген.

Бұл бөгеттерді салу сел қаупін барынша азайтып, Алматы қаласының Бостандық, Наурызбай, Алмалы аудандары мен Алматы облысының Қарасай ауданының шығыс бөлігіндегі тұрғындар мен нысандарды сенімді қорғауға мүмкіндік береді.