Алматы тауында жоғалған ер адамның денесі табылды

Алматы тауында жоғалған ер адамды іздеу аяқталды. 2021 жылдың 12 ақпанында сағат 14:30-да 1981 жылы туылған ер адамның денесі «Шымбұлақ» шатқалында табылды. ORDA.

Бұл туралы ҚР ТЖМ ресми өкілі Талғат Уәли мәлімдеді:

Іздеудің бірінші күнінен бастап құтқарушылар нөлдік көріну жағдайында жаяу жүріп өтті, бір минутқа да тоқтаған жоқ. Қазавиақұтқару КА-32 әуе борты дайындықта болды, алайда қолайсыз метеорологиялық жағдайдан ұшып шығу мүмкін болмады.

Неғұрлым қолайлы жағдайларды күтіп, Төтенше жағдайлар және апаттар қаупін азайту жөніндегі халықаралық орталықтың ұшқышы (дрон) тартылды. Ұшақ теңіз деңгейінен 5 мың 300 метрден астам биіктікке көтерілді. Көтерілу кезінде дрон адамның құлаған ізін анықтады. Бұл құтқарушылардың ізді бағдарлауға және іздеу аймағын анықтауға мүмкіндік берді. Альпинистік құрал-жабдықтарды қолдана отырып, құтқарушылар шатқалға түсті.

Естеріңізге сала кетейік, іздестіру-құтқару жұмыстарын үйлестіру үшін оқиға орнында ҚР ТЖМ аумақтық бөлімшелерінің, «109 -құтқару қызметі», Апаттар медицинасы орталығының құтқарушыларының басы біріктіріліп, Алматы қаласында ТЖД жедел штабы құрылды. ТЖ және дүлей зілзалалардың қаупін азайту орталығының өнеркәсіптік ұшқышсыз ұшу құрылғысы та іздестіру жұмыстарына қатысты.

ҚР ТЖМ тауда, әсіресе соқпақсыз жерлерде түнде жүрмеуге кеңес береді.

Тауға жалғыз шығу қауіпті. Белгіленген бағытқа бармас бұрын әр түрлі сенімді ақпарат жинап, маршрутты мұқият жоспарлаңыз. Таудағы ауа-райы жағдайымен арнайы қосымша арқылы танысуды ұмытпаңыз. Дауыл туралы ескертулерді ескеріңіз. Таныс емес жолмен жолды қысқартпаңыз. Жақындарыңызға маршрут туралы хабарлаңыз және оны өзгертпеңіз. Өзіңізбен бірге қосымша байланыс құралдарын алыңыз. Шұғыл жағдайда, орналасқан жеріңіздің геолокациясын жіберіңіз. Төтенше жағдай кезінде өзіңіздің тұрған жеріңіздің геолокациясын жіберген аумақтан алысқа кетпеңіз. Төтенше жағдайлар туындаған кезде 112 нөміріне қоңырау шалыңыз.