Алматы тауларында төрт адам жоғалды

Алматы тауларында төрт адам жоғалды, деп хабарлайды Төтенше жағдайлар министрлігінің баспасөз қызметіне сілтеп Orda.kz.

«22 наурыз күні кешке Алматы облысы ТЖД 112 пультіне таңертең бес адам Ұзын-Қарғалы өзенінің бойындағы Қарғалы ауылына балық аулауға барғаны туралы хабарлама келіп түсті. Топ ішінен тек бір адам ғана өз бетінше таудан түсті, қалған төртеуінің (бір ересек және үш жасөспірімнің) қайда екені белгісіз» деп жазылған хабарламада.

Хабарламада айтылғандай, іздестіру-құтқару жұмыстарына қатысқан үш құтқарушы үш техниканың, екі ҰҰА, екі кинологиялық топтың және екі спутниктік телефонның көмегімен Ұзын-Қарғалы бөгетінен 15 шақырым жоғары ашық аумақтан балықшыларды тауып алған.

Мәлімет бойынша, жоғалғандардың жағдайы тұрақты, ешкім де медициналық көмекке мұқтаж емес.

«Құтқарушылар оларды таудан аман-есен түсіріп, тиісті елді мекенге жеткізді», деп мәлімдеді жергілікті ТЖД.