Алматы тауларында құлаған тастан 20 жастағы қыз қаза тапты

Алматыдағы Алма-Арасан шатқалында таудан тас құлап, бір адам көз жұмды, деп хабарлайды Orda.kz. 

Бұл туралы қалалық полиция департаменті хабарлады. Полиция оқиғаның мән-жайын анықтап жатқанын мәлімдеді. 

Қалалық төтенше жағдайлар департаменті тастың құлауына толассыз жауған жауын себеп болуы мүмкін екенін айтты.

Өткен аптада әлеуметтік желіде Алматы тауларында тас құлағаны туралы бейне тарады. Тас құлау салдарынан бойжеткен жарақат алған еді. Марқұмның Алматыдағы жоғары оқу орындарының бірінің 20 жастағы студенті екені белгілі болды.

Оқиға куәгері Orda.kz сайтына қайғылы жағдай туралы айтты.

Айта кетейік, 3 мамырда Алматыда отбасында жанжал болып, ер адам әйелін пышақтап, ол алған жарақатынан сол жерде көз жұмған еді. Осыдан кейін күдікті өзін-өзі өлтіруге тырысып, мойны мен ішіне пышақ сұққан болатын.