Алматы тау шатқалдарына шығатын жолдар уақытша жабылды

Шымбұлақтың жоғары тұсында, үлкен Алматы өзені маңындағы Аюсай шатқалына қарай өтуге тыйым салынды, - деп хабарлайды ORDA Төтенше жағдай қызметіне сілтей отырып.

Қалалық төтенше жағдайлар қызметінің түсіндіруінше онда құтқарушылар жарылыс ұйымдастырады. Қазіргі ауа-райына байланысты, көшкін жүрудің алдын алу мақсатында төтеншеліктер  тау шатқалынан 5 мың текше метр қарды төменге түсірген.

«11 ақпанда қар қалың жауғанына байланысты үлкен және кіші Алматы шатқалдарында жаяу жүргіншілерге және қала демалушылары үшін тау  жолдары жабық.  Жол ақпанның  15-не дейін жол жабық болуы да мүмкін. Ол ақапаратты ауаның  райына қарай қосымша хабарлаймыз», - деді «Қазселденқорғау»  ММ Алматы қаласы бойынша басқарма басшысының орынбасары Кеңесжан Күнесбай.

Ақпан айында қар бір еріп, бір жауып жатқан уақытта қала тұрғындарына тауға серуендеуді, қысқы спорт түрлерімен айналысуды қысқарта тұрған жөн сияқты. Тау шатқалдарында соңғы уақытта болып жатқан оқиғалар да көңіл көншітпейді. Сондықтан төтеншеліктерге түсіністік танытқан жөн.