Алматы тұрғындары лас су ішуге мәжбүр болып отыр

Алматы қаласындағы Наурызбай ауданы Құрамыс шағын ауданында ауыз су жоқ. Тұрғындар су жаңа тұрғын үйдің қолайлылығына шағым түсірді.

Бұл туралы Orda.kz Еуразия бірінші арнасына сілтеме жасап хабарлады.

Құрамыс шағынауданына жағдай жасау жарты жыл бұрын қолға алынған. Алайда тұрғындардың қуанышы ұзаққа созылмады. Әкімдіктегілер жұмыстың басын бастап, ары қарай өз қаражаттарыңызға істеңіздер деп, жарты жолда тастап кеткен.

– Біздің көшеміз ең жақсы көше болатын. Біз өзіміз ақша жинап, су тартып, асфальт төсеп, арық қазып қалпына келтірдік. Қалаға кіріп, орталықтандырған жүйеге қосылдық деп қуанған едік. Бірақ жарты жылдан бері ешнәрсе өзгермей отыр, - дейді тұрғындар. 

Үйлерге тартылған суармалы суды тазартқанның өзінде оны ішу мүмкін емес көрінеді.

Тұрғындар орталық жүйеге қосылған күннің өзінде не су, не кәріз, не жол жоқ деп қынжылады.

– Олар жер қазуға, су жүргізуге кәріз жүйесін жасауды бастаған. Аяқ астынан қалғанын өздерің бітіріңдер деп жарты жолда қалдырып кетті. Әр отбасынан үш жүз мың шамасында қаражат сұрады. Мен ондай ақшаны қайдан табамын? – деді тұрғындардың бірі.

Әкімдік наразы жұртқа Қарғалы өзенінде ауыз суға арналған сүзгі станциясы салынып жатыр, ал басқа өзенде тағы бір станция тексеріліп жатыр деп жауап берді.

Шенеуніктердің айтуынша, сумен жабдықтау жүйесі мемлекет есебінен, жеке үйге тартуға тұрғындар өз ақшасынан қаражат бөлу керек.