«Алматы Су» басшысының орынбасары мен Қызылорда облысындағы департаменттердің бірінің басшысы ұсталды

«Алматы Су» кәсіпорны бас директорының орынбасары мен Қызылорда облысының кәсіпкерлік басқармасының басшысы ұсталды.

Бұл туралы Сыбайлас жемқорлыққа қарсы қызмет хабарлайды.

«Сыбайлас жемқорлыққа қарсы қызмет бизнесті қорғау және жүйелік кедергілерді жою бойынша жұмысты жалғастыруда. Естеріңізге сала кетейік, «Бизнес жол» жобасы аясында биылғы жылдың басынан бері 43 проблемалық іс оң шешімін тауып, 5 мың кәсіпкердің құқығы қорғалған. Сонымен қатар,  кәсіпкерлердің қызметіне заңсыз араласу, оның ішінде қылмыстық-құқықтық шаралар қолданудың жолын кесу жұмыстары ерекше бақылауда. Осылайша, Алматы қалалық департаменті осы жұмыс аясында «Алматы Су» МКК бас директорының орынбасарын ауыр сыбайлас жемқорлық қылмысымен әшкереледі» делінген хабарламада.

Антикордың айтуынша, «Алматы Су» басшысының орынбасары «жергілікті кәсіпкерден бұрын келісілген 345 миллион теңгенің 75 миллион теңгесін орындалған жұмыстардың актісіне қол қою және мемлекеттік сатып алу туралы жасалған келісім-шарттар бойынша қаражатты төлеу үшін алған».

«Қызылорда облысы бойынша сыбайлас жемқорлыққа қарсы қызмет облыстық кәсіпкерлік және өнеркәсіп басқармасының басшысын жалпы меценаттық және келісімшарт мерзімін ұзарту және жер қойнауын өндіру көлемін ұлғайтуға рұқсат бергені үшін қомақты көлемде пара алды деген күдікпен ұстады. Күдіктілерге қатысты сот санкциясымен «күзетпен ұстау» түріндегі бұлтартпау шарасы таңдалды. Аталған фактілер бойынша тергеу жалғасуда» деді ведомство.