Алматы соңғы 11 жылда алғаш рет троллейбус паркін жаңартты

№1 троллейбус депосы 12 метрлік төмен еденді «Yutong» троллейбустарының алғашқы 100 партиясын қабылдады, деп хабарлады қала әкімдігінің баспасөз қызметі.

Парктің жылжымалы құрамы соңғы рет 11 жыл бұрын жаңартылған. Содан кейін қала қытайлық Neoplan Youngman-ның көлемді партиясын алды, ол жақсы қызмет атқарды, бірақ ұзақ мерзімді пайдалану салдарынан тозған.

Қазірдің өзінде Алматыға 55 троллейбус жеткізілді. 18 қарашадан бастап олар No1, №9, №12, №5, №11, №25, №7, №19, №6 бағыттар бойынша 19 жаңа троллейбусты әске қосуды жоспарлап отыр. Қалғандарын техникалық дайындықтан өткеннен кейін желіге шығарады. 90 орындық салонда бейнебақылау жүйесі, телефондарды зарядтауға арналған USB порттары және қуатты кондиционер бар.

«Жаңа көлікті сынап көрген жүргізушілер оның маневрлік қабілетінің жоғарылағанын айтады. Бұл Алматы көшелерімен жүру үшін үлкен артықшылық. Жаңа троллейбустардың толық партиясы жыл соңына дейін жеткізіледі» делінген хабарламада.