Алматыда әскери институттың 210 курсанты оқу мекемесінен кетіп қалған

Алматыда 2021 жылдың 1 желтоқсан күні сағат кешкі алтылар шамасында құрлық әскерлері институтының төртінші курс студенттері рұқсатсыз кетіп қалған. 2 желтоқсанда таңғы 9-дан бастап курсанттар сабаққа қатысқаны атап өтілді. Олардың ата-аналарына болған жағдай хабарланады.

– 2021 жылдың 1 желтоқсанында сағат 18.00-ден кейін құрлық әскерлері институтының 210 төртінші курс курсанты оқу орнынан рұқсатсыз кетіп қалған. Институт бастығы, генерал-майор Дулат Адырбековтің айтуынша, курсанттардың өз бетінше кетіп қалуының себебі - кадр тағайындалуындағы келіспеушілік, факультет бастығының ауысуы, олар бұрынғы басшылықты қайтаруды сұрайды, - делінген хабарламада.

Айта кетейік, дерек бойынша Қорғаныс министрінің орынбасары Сұлтан Камалетдиновтің басшылығымен Қорғаныс министрлігі комиссиясы тергеу жүргізіп жатыр.