Алматы - Өскемен автожолында жол апатынан 7 адам қаза тапты

14 ақпанда «Алматы-Өскемен » автожолында жол апаты орын алды. Алдын ала, «Nissan Qashai » жүргізушісі рульді басқара алмай, жол жиегінде тұрған «Volvo » ауыр жүк көлігімен соғысқан.

«Жол апатынан жеті адам қаза тапты. «Nissan» жүргізушісі мен төрт жолаушысы, сондай-ақ «Volvo» жүргізушісі мен оның бір жолаушысы. Қайтыс болғандардың жеке басы анықталды. Оқиға орнында облыстық полиция департаменті қызметкерлері, сондай-ақ Ақсу ПБ тергеу - жедел тобы жұмыс істеді», - делінген Алматы облысы полициясының хабарламасында.

«Көлік құралдарын басқаратын адамдардың жол қозғалысы немесе көлік құралдарын пайдалану ережелерін бұзуы» бабы бойынша тергеу басталды.