Алматы: сауда және ойын-сауық орталығы мен базарларда екпе салынады

Алматыда сауда-ойын-сауық орталығы мен базарларда вакциналау жүргізу жоспарланған. Бұл туралы қалалық қоғамдық денсаулық сақтау департаментінің өкілі Лаура Мырзағали айтты, деп хабарлады Orda.kz.

Лаура Мырзағалидың айтуынша, қазір Алматы емханаларында 35 вакцина бөлмесі бар. Жақында тағы 15 пункт ашылады.

– Бұл пункттер жеке клиникаларда болуы мүмкін. Біз халықты сауда үйлерінде, базарларда вакциналау мәселесін пысықтап жатырмыз, - деді ол.

Сондай-ақ, қалалық қоғамдық денсаулық сақтау басқармасының өкілі жазға дейін Алматыға 197 мыңнан астам вакцина жеткізіледі деді.

– Біз сәуір айында 65 200 доза, мамырда 65 200 дозаның және маусымда 67 000 дозаның келуін күтіп отырмыз, - деді Лаура Мырзағали.