11 қараша, жұма күні Алматы – Қонаев бағыты бойынша қала маңындағы жолаушылар электр пойызы іске қосылады. Бұл туралы Индустрия және инфрақұрылымдық даму министрлігінің баспасөз қызметі хабарлады.
Электр пойызы тәулігіне бір рет, Алматы-1 стансасынан сағат 06:44-те кету және Қапшағай станциясына сағат 08:35-те келу, сондай-ақ Қапшағай стансасынан сағат 19:15-те кету және Алматы-1 станциясына сағат 20:50-де келу кезеңділігімен жүретін болады.
Электр пойызының құрамында жалпы сыйымдылығы 175 орындық үш вагон болады. Тасымалдауды ұйымдастыруды «Жолаушылар тасымалы» АҚ жүзеге асырады.
Ағымдағы жылдың қазан айында президентҚасым-Жомарт Тоқаев Алматы облысына жұмыс сапары барысында Алматы мен Қонаев арасындағы теміржол бағытын іске қосу мәселесін пысықтауды тапсырғанын еске салайық.
