Алматы қаласы ТЖД көктемгі су тасқынына дайын ба?

Алматы қаласының Төтенше жағдайлар департаменті көктемгі су тасқынына дайындықтың қалай жүріп жатқанын айтып берді.

Биылғы маусымда, синоптиктердің болжамынша, Алматыда жауын-шашын мөлшері орташа деңгейден 13%-ға жоғары, бірақ қардың қалыңдығы қалыпты шекте болады.

Өңірлік коммуникациялар қызметінде өткен брифингте алматылық құтқарушылар мегаполистің көктемгі су тасқынына дайындықтары туралы айтып берді.

— Барлық техника жақсы жағдайда, жеке құрам ықтимал су тасқыны кезеңінде жедел жұмысқа дайын. Ауа-райын болжауға болмайтынын ескере отырып, біз «Қазгидромет» метеорологтарымен және «Казселезащита» мекемесінің мамандарымен үнемі байланыстамыз, - деді ТЖД Төтенше жағдайлардың алдын алу басқармасының басшысы Алмат Жаныспаев.

Ол жүйелі мониторинг ұйымдастыру және су тасқынының алдын алу және зардаптарын жою шараларын әзірлеу мақсатында жүргізілген сауалнама барысында Алматы қаласында су басу қаупі бар 102 аумақ анықталғанын атап өтті.

— Бүгінгі таңда 62 мекенжайда арна  желілерін қайта жаңарту және салу жұмыстары аяқталды. Бұл 49 учаскедегі тәуекелдерді жоюға мүмкіндік берді. Тағы жеті нысанда құрылыс-монтаж жұмыстары жүргізілуде, олар наурыз айының соңына дейін аяқталады, - деді Жаныспаев және Кіші Алматы, Тіксай, Есентай және Жарбұлақ өзендері арналарының жекелеген учаскелерін қалпына келтіру жұмыстары аяқталғаны туралы.

Баяндамашы Алматыда Балқаш-Алакөл бассейндік инспекциясының бақылауында тұрған 39 гидротехникалық құрылыс бар екенін еске салды. Күн сайын Төтенше жағдайлар департаменті мен «Казселезащита» мекемесі қызметкерлері қаланың барлық аудандарындағы су айдындарына мониторинг жүргізеді. Ақсай, Үлкен және Кіші Алматы өзендерінің бойында жылжымалы постар орнатылған.

— Аудан әкімдіктері арналар мен өзен арналарын қар мен мұздан тазартуда. Арық жүйесінің жалпы ұзындығы 1300 шақырымнан асады. Бүгінгі таңда 460 шақырымнан астам жер тазартылды, - деді Жаныспаев.

Оның айтуынша, 2023 жылғы су тасқыны кезеңінде халықтың қауіпсіздігін қамтамасыз ету мақсатында Төтенше жағдайлар министрлігінің аумақтық бөлімшелері мен Алматы қаласының азаматтық қорғау қызметі күштері мен құралдарының жалпы саны 1609 адам. Әртүрлі мақсаттағы 618 бірлік техника, 85 мотопомпа, сондай-ақ 99  автономды электр стансала бар..

Еске салайық, «Қазгидромет» РМК Алматы қаласы бойынша филиалының гидрометеорологиялық мониторингінің мәліметтері бойынша:

• 2022 жылдың 1 қазанынан жауын-шашын мөлшері 260 мм, бұл нормадан 13%-ға артық;

• қаладағы топырақтың қату тереңдігі — 37 мм жылдамдықпен 44 см;

• 31 қаңтардағы қар жамылғысының биіктігі 35 см, бұл қалыпты шектерде;

• ылғал қоры 76 мм (-25%) нормасы - 57 мм.

Ал, синоптиктердің алдын ала болжамы бойынша, Алматыға көктем ерте келеді. Наурыздың бірінші онкүндігінде ауа температурасы +2+7 градусқа дейін, күндіз +10+15 градусқа дейін көтеріледі деп күтілуде.