Алматы полициясы Oyan, Qazaqstan! белсендісін ұстады

Ол Алмалы ауданының полиция бөліміне жеткізілді, деп хабарлайды «Қазақстан жастары ақпараттық қызметі» қоғамдық қоры.

16 желтоқсан күні таңертең Қазақстанның Жастар ақпарат қызметі Instagram желісінде белсенді Бейбарыс Толымбековтің ұсталғаны туралы жазды. Ол жастар қызметіне хабарласып, өзін азаматтық көлікпен Алмалы ауданының ЖПҚ-на апара жатқанын жеткізіп үлгерген.

— Олар мені жай ғана ұстауды бұйырғанын айтты, - деді белсенді.

Бейбарыс Толымбеков Oyan, Qazaqstan! қозғалысының белсендісі.  Өткен жылы 16 желтоқсанда ол және жастар қозғалысының тағы екі мүшесі Жанель Шаханова мен Азиза Есмағанбетова да жоспарланған акция басталмай жатып ұсталған болатын. Ол кезде  белсенділер 1986 және 2011 жылдардағы оқиғаларды еске алуға арналған қойылым ұйымдастырмақ болды.