Алматы полициясы алаяқтыққа қатысты күдіктілерді анықтауды сұрайды

Олар Алматы қаласының тұрғынын алдап, 5 мың АҚШ долларын алып кеткен.

Екі ер адам ірі алаяқтық жасады деген күдікке ілінді. Екеуі де бейнежазбаға  түсіп қалған. Олар Алматы қаласының тұрғынын алдап,  бес мың АҚШ долларын алып кеткен.

— Әйел адамның ұялы телефонына қоңырау шалған ер адам өзін банк қызметкерімін деп таныстырып, оның депозиттік шотынан жеке шотына ақша аударуға өтініш білдірді ме деп сұраған. Осы жағдайда әңгімелесуші егер ол кісі  кодты айтса, кибершабуылдардан арнайы қорғаныс орнататынына сендірді. Бұл айла-шарғыдан бейхабар әйел шабуылшылардың талаптарын орындаған.  Ол бірнеше күннен кейін ғана алаяқтардың құрбаны болғанын түсінді. Ал банктегілер оған бес мың доллардан астам қаражаттың есептен шығарылғанын айтқан, - деді Алматы қалалық полиция департаменті тергеу басқармасының бастығы Олжас Шәріпов.

Алматы қаласының полициясы суреттегі  адамдарды танитын болсаңыз: 272 32 76, 254 48 02, 254 48 76 немесе 8 (702) 976 7099 телефондарына хабарласуыңызды сұрайды.

Осы ретте тәртіп сақшылары алматылықтарға өздерін банк немесе құқық қорғау органдарының қызметкерлеріміз деп таныстырып, азаматтарға телефон соғып, алаяқтық жолмен олардың жинаған ақшасын иемденіп алатын алаяқтардың белсене түскенін ескертеді.