Алматы полициясын әбігерге салған тәртіп бұзушы қолға түсті

Алматыда  тәртіп бұзушының артынан қуған полиция әрекетін күәгерлер әлеуметтіr желілерде жариялады. Полицейлердің айтуынша, қуғындалған көлік жүргізушісі есірткі пайдаланған.  

Оқиға орнынан түсірілген видео Instagram-да kris.p.online парақшасында жарияланды. Instagram арнасының хабарлауынша, тәртіп бұзушыны құрықтауға полицияның жиырмадан астам көлігі қатысқан.

Алматы қалалық ПД баспасөз қызметінің хабарлауынша, полиция 25 сәуірде таңертең әл-Фараби даңғылы мен Мұстафин көшесінің қиылысында Mercedes маркалы автокөліктің жоғары жылдамдықпен келе жатқанын көреді, жүргізуші қауіпті маневр жасап, төтенше жағдай туғызды. Ол полицияның тоқта деген талаптарына жауап бермей, жасырынуға тырысты, - делінген хабарламада.

— Көлікті Райымбек даңғылының солтүстігінде Тілендиев көшесінде полиция жасағы қоршауға алды.  Жүргізуші 1992 жылы туған ер адам. Ол 2020 жылдың қыркүйек айында мас күйінде көлік жүргізгені үшін жүргізуші куәлігінен бір жарым жылға айрылған, -  деп хабарлады ПД баспасөз қызметі .

Департаменттің мәліметінше, ұсталған тәртіп бұзушыға сараптама жүргізілді. Дәрігерлер оның  есірткі қолданғанын анықтады.

— Полиция Қылмыстық кодекстің 346-бабы «Көлік құралдарын басқару құқығынан айрылған және алкогольдік, есірткілік және басқа да құмарлық масаң күйдегі адамның көлік құралын басқаруы» бойынша сотқа дейінгі тергеуді бастады, -  деді Алматы полиция майоры Олжас Шәріпов.

Жергілікті полиция бөлімінің бастығы, полиция полковнигі Манап Саттаров ұсталған жүргізушіге жасырыну мақсатында жасаған бұзушылықтары:  полиция қызметкерлеріне бағынбағаны, бағдаршамның қызыл түсіне өткені, төтенше жағдай тудырғаны, маневр жасау ережелерін бұзғаны үшін және тағы да басқа заң бұзушылықтары үшін 15 әкімшілік хаттама толтырылғанын айтты.