Алматы полициясы заңсыз отшашуларды іздестіруде

Алматы полицейлері қала базарларында рейд жүргізіп, пиротехникалық өнімдерді заңсыз саудалаған нүктелерді анықтауда.

«Тек өткен тәулікте екі базарда жүргізілген тексеру барысында сертификатсыз, сондай-ақ рұқсат құжаттарсыз пиротехникалық өнімдерді заңсыз сатудың тоғыз фактісі анықталды. 400 келіден астам сертификаты жоқ пиротехникалық бұйымдар тәркіленді», - деді Алматы қаласы бойынша  ПД басқармасы азаматтық және қызметтік қару айналымын бақылау бөлімінің басшысы Айдос Құсайынов.

Алматы полициясы сертификатталған пиротехникалық бұйымдарды сатып алуды және оларды пайдалану кезінде қауіпсіздік шараларын сақтауды сұрайды.