Алматы полиция департаменті ғимаратындағы кісі өлімі: сот үкім шығарды

Алматының Алмалы аудандық соты полиция департаменті ғимаратындағы кісі өліміне қатысты (ҚК-нің 104-бабы 1-бөлігі) қылмыстық істі қарады.

Күдікті К.2023 жылы жазда полиция департаменті ғимаратын күзетуге барған. Оның әріптесі белбеуін байлап алмақшы болып, қолындағы қаруды ұстай тұруды өтінген. Ол осы кезде қаруды қолына алып,  қолдану ережесін елемей, жоғары-төмен сермеуге кіріскен. Сотталушы оcы әрекетінің кесірінен абайсызда қарсы тұрған әріптесінің басына оқ атқан, ол сол жерде қаза тапты. 

Күдікті өз кінәсін толық мойындап, жасаған әрекетіне өкінді. 

Сот К.-ны кінәлі деп танып, Қылмыстық кодекстің 104-бабы 1-бөлігімен 1 жыл 6 айға бас бостандығынан айырды. Сотталушы сонымен бірге жәбірленушіге моральдық шығын үшін 10 миллион теңге және материалдық шығын үшін 3,5 миллион теңге беруі тиіс.