Алматы полицейлері қоғамдық көлікте оқу-жаттығу жұмыстарын жүргізуде

«Жолаушылардың қауіпсіздігіне немқұрайлы қарайтын жүргізушілер»: Алматы қалалық ІІБ Жергілікті полиция қызметі басшысының орынбасары Тимур Ноғайбаев Алматыда «Автобус» профилактикалық іс-шарасын өткізді.

Бұл туралы Алматы қалалық полиция департаментінің баспасөз қызметі хабарлады.

23-28 шілде аралығында Алматыда «Автобус» профилактикалық іс-шарасы өтуде. Мақсаты: «жол-көлік оқиғаларын азайту және жолаушылар тасымалымен айналысатын жүргізушілердің көлік жүргізу мәдениетін арттыру».

«Қоғамдық көлікте жолаушыларды тасымалдау кезінде жол қозғалысы ережелері мен талаптарын сақтау маңызды. Кеше мегаполисте «Автобус» жедел-алдын алу шарасы басталды. Осыған байланысты автобустардың техникалық жағдайы мұқият тексеріліп, жүргізушілердің жол қозғалысы ережелерін сақтауы қадағалануда. Қоғамдық көлік жүргізушілері жол ережесін жиі бұзады. Бір-бірімен жарысатын автобустар жолаушылардың қауіпсіздігіне немқұрайлы қараған жағдайлар болды», - деді Алматы қалалық ІІБ Жергілікті полиция қызметі басшысының орынбасары Тимур Ноғайбаев.

Жыл басынан бері жол ережесін бұзған 100 қоғамдық көлік жүргізушісі әкімшілік жауапкершілікке тартылған.